Famerenana ny Hasin’ny Fitsarana no tarigetran’ireo nandrato fianarana tao amin’ny Ecole nationale de la magistrature à Madagascar – TVM du 28 février 2019

 

Ny famerenana ny hasin’ny fitsarana isan’ny ventin-dresak’ireo izay nahavita sy nandraty fianarana ho mpikari-draharaha na mpitsara eo anivon’ny ENMG etsy Tsaralalana. Mankazala ny faha 10 taona niasany ireo nandraty fianarana tamin’ity sekolim-pirenena mampiofana momba ny mpitsara sy ny mpiraki-draharaha izay amin’izao fotoana izao. Solange Rakotoarinosy – Todison François

 

Efa tafa-petraka eo anivon’ny sekoly mpanofana ho mpitsara sy mpiraki-draharaha na ny ENMG ilay rafitra vaovao hiadiana amin’ny kolikoly sy ny fahafantaran’ny olona ary izay rehetra mety miborioka eo amin’ny sehatry ny fanadinana atao amin’ity sekoly ity. Izany no natao ho ny Tale jeneralin’ny sekoly dia mba hialana amin’ny fanakianana izay nianjady tamin’ny sehatry ny fanadinana tany aloha tany teto amin’ity sekoly ity.

 

Fanadinana io dia zavatra saro-pady, ary voarainay mihitsy ny baiko hentitra nomen’Andriamatoa Filohan’ny Repoblika hoentinay ezaka mametraka rafitra mifanaraka amin’izay mihitsy an, mba hitsinjovantsika, indrindra indrindra ny taranaka, hitsinjovantsika ny vahoaka Malagasy satria tadidio fa ny fitsarana anie mamoaka didy amin’ny anaran’ny vahoaka Malagasy e. Ny dikan’izay raha marisarisa ny tontolon’ny fitsarana amin’ny ankapobeny, indrindra indrindra eto amin’ny fanofanana eto amin’ny sekoly manofana mpitsara sy mpiraki-draharaha, dia harisarisa koa ny tany tan-dàlana. Ezaka lehibe no atao mba hampiverina indray ny voninahitriny fitsarana, amin’ny alalan’ny fanadiovana izay tanterahana eto amin’ny sekoly, fa maro ny zavatra natao amin’izay fanatsarana izay, raha tsy hilaza aho afa-tsy ny hoe ny fijerena akaiky ny lafiny fitantanam-bola, ny fijerena akaiky ihany koa ny lafinin’ireo programan’asa amin’ny sehatry ny fanofanana, fitsirihana akaiky ny fizaran-draharaha ataon’ny mpianatra, fitsirihana akaiky ihany koa ireo traik’efan’ireo mpampianatra satria raha marisarisa ny mpampiofana dia marisasira avy hatrany koa ny olona hofanina rehefa avy eo.

 

Ny làlana ary ny làlan ihany no mibaiko amin’ny asam-pitsarana hoy ny solon-tenan’ny mpitsara avy amin’ity andiany taona 2006 izay tonga teto.

 

Tsy mora ny asam-pitsarana eo amin’ny didy avoakanao, misy ny mandresy, misy ny resy an, misy ny tsy faly foana, kanefa miezaka izahay manaraka ny làlana ao anatin’ireny didy avoaka ireny, mba ho fahafaham-poan’ny vahoaka izany izay mankeny amin’ny fitsarana.

 

Mpitsara sy mpiraki-draharaha 90 mianadahy avy amin’ity andiany tamin’ny taona 2006 ity no efa miasa sy miparitaka manerana ny Nosy, ho fanamarihana ny 10 taona niasan’izy ireo teo anivon’ny fitsarana dia nanolotra television écran plat miisa 2 ho an’ny sekoly ENMG izy ireo ho entina hanatsarana ny fomba enti-mampianatra. Ankoatr’izay dia nanome latabatra sy imprimante ho an’ny mpandraharahan’ny fonja izay miahy ireo zaza tsy ampy taona eto Antanimora izy ireo, ary tsy adinon’izy ireo ihany koa ireo zaza tsy ampy taona tezaina eto ka nahazo vary fotsy ho fanampiana ny sakafon’ireto zaza miisa 123 izay mifonja eto.

 

LAISSER UN COMMENTAIRE

Please enter your comment!
Please enter your name here