Madagascar, Kolikoly tao amin(ny ENMG, mitaky ny marina amin’ny minisitra ny ONG – Taratra du 23 mars 2018

0
32

Inona no tena antony nanapahan-dRtoa minisitra hevitra hanokatra indray ny efitrano sy nandoro ireo taratasim-panadianna izay porofo? Inona marina ny tena arovan-dRtoa minisitra amin’izao?”

Ireo ny fanontanian’ny firaisamonina sivily isany ONG Tolotsoa, Transparency international-Initiative Madagascar (TI-IM), ONG Ivorary, Medem, hetsika Rohy, ny 19 marsa lasa teo manoloana ny fandoroana ireo taratasim-panadianan hidirana ao amin’ny sekoly fanofanana ho Mpitsara sy mpiraki-draharaha (ENMG).

Tsiahivin’izy ireo fa Rtoa minisitry ny Fitsarana sy ny tale jeneralin’ny ENMG no tonga nanokatra ny efitra nisy ireo taratasim-panadinana, miaraka amin’ny vadintany iray hafa, ny 8 marsa. Tsy nampahafantarina ireo sampadraharaha roa ny Bianco sy ny minisiteran’ny Asa sy ny lalàna sosialy, izany. Nodorana teny an-tokotany ireo taratasim-panadinana, rehefa navoaka tao anaty efitrano?

Moa ve ny famohana ny efitrano nogiazana tahaka izao tsy efa heloka bevava? Aiza ny fanajana ny fanjakana tan-dalàna sy ny fitondrana tsara tantana, satria tena voahosihosy ny ady amin’ny kolikoly?”, hoy izy ireo.

Ahatarafana kolikoly ny raharaha

Ahatarafana kolikoly ny raharaha, andaniny; ankilany, ao koa ny fikasana hanakana ny fanadihadihana ataon’ny Bianco mifanaraka amin’izany. Miantso ny Bianco hampihatra ny And.50 amin’ny lalàna 2016-020 izy ireo, izay milaza izany fa toy ny fanelingelenana ny asan’ny Fitsarana ny fanadihadian’ny Bianco. Heverina ho toy ny fandikan-dalàna izany, ka sazina telo taona am-ponja ary lamandy 5 tapitrisa Ar, na ny iray amin’ireo sazy ireo.

Ambaran’izy ireo àry fa tokony ho mendrika ny fahatokisana ny fitsarana, ka mila mifidy tsara amin’ny fomba madio ireo izay ho mpanatanteraka afa-kampihatra fitsarana tsy mitanila sy mitovy ho an’ny rehatra.

Manamafy ireo fikambanana ireo ny tsy maintsy hanaovan’ireo tomponandraikitra ambony ohatra amin’ny fahamarinana sy ny fanajana ny lalàna ho an’ny vahoaka, indrindra ho an”ny tanora manokana.

R.Nd.

 

LAISSER UN COMMENTAIRE

Please enter your comment!
Please enter your name here